Siglir tar il cuntegn

Header

Porta da la bischutaria rutta e serrada giu da la polizia.
Legenda: Il venderdi a bun'ura baud han laders rut en en ina bischutaria a Samignun. MAD, Polizia chantunala
cuntegn

Samignun Engulà uras en la valur dad in mez milliun francs

A Samignun èsi vegnì rut en il venderdi en damaun baud en ina bischutaria. Tenor emprimas enconuschientschas han ils laders sfratgà en l'isch da la bischutaria ed ingulà plirs tozzels uras. La valur da quellas munta a passa in mez milliun francs.

Ils delinquents èn fugids en in BMW grisch combi ch'è vegnì engulà a Samignun. Quel è entant vegnì chattà a Samignun Ravaisch. La Polizia chantunala ha lantschà ina investigaziun – quai ensemen cun las autoritads talianas ed austriacas e la guardia da cunfin svizra.

Persunas ch'han fatg observaziuns u pon far indicaziuns davart ils deliquents, duain s'annunziar tar la Polizia chantunala.

Ord L'archiv:

Il 2018 era in'autra bischutaria a Samignun stada trais giadas unfrenda da laders. L'emprima giada l'avrigl, lura il matg ed anc l'avust:

Video
Rut en per la terza giada en bischutaria a Samignun
Or da sil punct dals 16.08.2018.
abspielen

RR novitads 11:00