La via da colliaziun da la fracziun da Ravaisch (Samignun) vegn sanada. La regenza ha approvà ils plans per sanar e gist schlargiar la via en il vitg. Uschia vegn la cuvrida donnegiada sanada, ed il tschancun stretg en il center dal vitg schlargià. Quai per facilitar il trapass al traffic d'indigens e dals bus da skis. Cunquai ch'i sa tracta d'ina via chantunala, surpiglia il chantun ils custs da radund 989'000 francs.
Sin giavisch da la vischnanca da Samignun vegn tar questa chaschun era meglierà il mir da sustegn communal. Quests custs da radund 51'000 francs surpiglia la vischnanca.