Siglir tar il cuntegn

Header

audio
Intervista cun il nov president, Karl Jenal
Or da Actualitad dals 29.11.2021.
laschar ir. Durada: 2 minutas 33 Secundas.
cuntegn

Samignun Karl Jenal è il nov president da Samignun

Karl Jenal è vegnì elegì cun 56% da las vuschs en uffizi. Er candidà aveva Clà Davaz.

Karl Jenal succeda a Walter Zegg sco president da Samignun. El ha survegnì 178 da 316 vuschs valaivlas ed è cunquai vegnì elegì cun 56% da las vuschs sco nov president communal. Gia tar l'emprim scrutini la fin october aveva Karl Jenal fatg las pli bleras vuschs. Part da la suprastanza fa Jenal dapi onns.

Respect da la sfida

La elecziun muntia en emprima lingia in gronda sfida, uschia il novelegì Karl Jenal envers RTR. Gist actualmain saja d'avair respect da surpigliar in tal uffzi a la testa d'ina regiun ch'è pertutgada ferm da la pandemia.

audio
Karl Jenal: «Samignun è pertutgà ferm da las consequenzas da la pandemia»
ord RTR Audio dals 28.11.2021. Maletg: MAD
laschar ir. Durada: 3 minutas 6 Secundas.

Il cuntracandidat e vicepresident en uffizi, Clà Davaz ha survegnì 117 vuschs (37% da las vuschs valaivlas). Ulteriuras vuschs han diversas persunas obtegnì.

Clà Davaz
Legenda: Il vicepresident na daventa betg president: Clà Davaz ha survegnì 37% da las vuschs. MAD

Il president en uffizi, Walter Zegg, aveva decis da betg pli candidar. Dapi il 1976 è el adina puspè stà activ en la politica Samignun, pliras giadas sco president.

RTR novitads 15:00

Artitgels legids il pli savens