Siglir tar il cuntegn

Header

Topografia.
Legenda: La vischnanca vul realisar ina nova loipa da passlung da la "vart da la sumbriva" tranter Samignun-Vitg e Samignun-Laret (basa forestala) sin ina lunghezza da circa 3,5 kilometers. ©Uffizi federal da topografia
cuntegn

Samignun Vitg fin Laret Nova loipa da passlung a Samignun

La regenza grischuna dat glisch verda per ina nova loipa da passlung a Samignun. Ella ha approvà la revisiun parziala da la planisaziun locala che la vischnanca aveva concludì ils 26 d'avust 2018. Cun questa revisiun parziala vegnan stgaffidas las premissas da la planisaziun d'utilisaziun per realisar ina loipa da passlung da Samignun-Vitg fin tar la basa forestala a Samignun-Laret.

La vischnanca da Samignun vul rinforzar il sport da passlung sco segunda pitga al sport da skis alpin. Oz ha ella mo duas loipas da passlung che n’èn betg fitg lungas. La nova loipa duess esser radund 3.5 kilometers lunga e vegnir duvrada er cun pauca naiv dal cumenzament da la stagiun d'enviern fin la primavaira. Tut en tut è la loipa da Samignun uschia 7 kilometers lunga.

Ord l'archiv

video
Il concierge da passlung
Or da Telesguard dals 11.01.2021.
laschar ir

RTR novitads 09:00

Artitgels legids il pli savens

Scrollar a sanestra Scrollar a dretga