Siglir tar il cuntegn

Header

video
10 cuschiniers da num e da pum en ina cuschina al Gourmet festival
Or da Telesguard dals 30.01.2024.
laschar ir. Durada: 3 minutas 42 Secundas.
cuntegn

San Murezzan 30 onns maschadà la pasta exclusivamain

Il Gourmet Festival San Murezzan ha attratg ils ultims trais decennis passa 80'000 amantas ed amants da la cuschina da gourmet. Quai cun envidar mintg’onn cuschiniers da num e da pum en l'Engiadina. En tut èn gia stads passa 250 cuschinieras e cuschiniers da gourmet da la partida ils ultims onns.  

audio
Gourmet Festival: Giubileum da 30 onns
ord Actualitad dals 29.01.2024. Maletg: Steve Hadorn
laschar ir. Durada: 5 minutas 46 Secundas.

30 stailas per il giubileum da 30 onns

Durant il program da sis dis cuschinan ils profis a differentas occurrenzas en ils hotels da luxus en l'Engiadin’Ota. Totalmain han ils 10 cuschiniers ensemen 30 stailas da Michelin en lur portfolio. Quellas stailas duain er simbolisar las stailas che glischan per il festival.  

audio
San Murezzan: L'istorgia da 30 onns Gourmet Festival
ord Actualitad dals 02.02.2024. Maletg: Mess a disposiziun da Roland Jöhri
laschar ir. Durada: 2 minutas 52 Secundas.

Dapi l’emprima ediziun l’onn 1994 vegn collavurà cun ils hotels da partenari en l'Engiadin’Ota, quai che s’è verifitgà, uschia il facit da Martin Scherer, il president da la societad.

 

Engaschament en l’avegnir

Dapi il 2012 organisescha il Gourmet Festival San Murezzan er ina concurrenza per cuschiniers futurs. L’ediziun 2024 da «Young Engadine Talents» ha gudagnà il giarsun da Zernez, Cristian Anton Patscheider. El ha persvadì il pli ferm la giuria cun ses menu. La segunda plazza è ida a Rayan N’siri, terz è vegnì Ivan Borges Monteiro da Puntraschigna.

audio
San Murezzan: 30 onns Gourmet Festival – ils cuschiniers giuvens
ord Actualitad dals 02.02.2024. Maletg: Gourmet Festival, Steve Hadorn
laschar ir. Durada: 3 minutas 44 Secundas.
Il bel vid il cuschinar è ch’ins po esser creativ e ch’ins po adina emprender vitiers.
Autur: Cristian Anton Patscheider futur cuschinier, Zernez

Era sch’ils temps da lavur sco cuschinier èn lungs e na permettan era betg da far liber las fins d’emna, èn tant Cristian Anton Patscheider sco er Ivan Borges Monteiro persvadids da lur via instradada. Ch’els hajan chattà durant ils emprims trais onns sco giarsuns er novs amis ed amias, bunamain ina famiglia.  

 Or da l'archiv:

RTR actualitad

Artitgels legids il pli savens