Per l’engrondiment dal stabiliment d’atletica leva a San Murezzan èn gia vegnids investids 500’000 francs per l’emprima etappa l’onn passà. Per l’onn 2023 è budgetada ina contribuziun d’investiziun da 750’000 francs per la segunda etappa. Quai per extender las pistas da currer, il sigl en lung ed il sigl cun l’asta.
La contribuziun federala dal CISIN (concept dals implants da sport d’impurtanza naziunala) da 200’000 francs è cuntegnida en quest import d’investiziun, uschia che las expensas da la vischnanca vegnan effectivamain a muntar l’onn 2023 a 550’000 francs.
Per dentant pudair garantir – respectivamain garantir – a l'Uffizi federal da sport BASPO che la vischnanca paja enavos la contribuziun federala, sch’ella n'adempliss betg pli sias obligaziuns contractualas, ha il cussegl communal gì da decider davart l’ediziun da totalmain 750’000 francs ch’è previsa per l’onn 2023.