Il preventiv da San Murezzan per l'onn 2022 quinta bain cun in deficit, dentant in pli pitschen che deliberà dal parlament la fin d'october. Lura aveva la vischnanca anc quintà cun in deficit da stgars 600'000 francs. Entant sajan las entradas spetgadas tar la taglia vegnidas curregidas, scriva la Posta Ladina.
La radunanza communala – visitada da mo gist 82 persunas, ni 3,2% dal suveran da San Murezzan – ha deliberà il preventiv ed era decidì da mantegnair il pè da taglia da 60% ed il pè da taglia sin immobiglias tar 0,5 promils.
Era il quint 2021 vegn a serrar meglier che spetgà. Il preventiv aveva fatg quint cun in deficit da 3,6 milliuns francs, actualmain fan ins quint cun in gudogn da 18,3 milliuns francs.