A San Murezzan ha mardi saira in um empruvà d’assaglir ina banca. Sco la Polizia chantunala ha communitgà, haja l’um smanatschà in emploià cun in cuntè e pretendì daners. L’emploià da la banca ha declerà ch’i n'haja nagins daners tar in spurtegl avert. Il rubadur ha sin quai bandunà la filiala.
La polizia alarmada ha immediat cumenzà a tschertgar l’um cun in’acziun a l’engronda. Suenter radund ina mes'ura ha la polizia pudì arrestar in delinquent supponì sper la staziun da San Murezzan.
