A San Murezzan hai dà in accident la dumengia circa a las 15:45. La Polizia chantunala ha annunzià quai en ina communicaziun a las medias.
Sin la via Somplaz datiers dal lieu Fuchsenloch èn trais autos vegnids donnegiads, duas persunas èn vegnidas blessadas.
In manischunz è vegnì da Champfèr. El ha cumenzà a glischnar, ed è silsuenter collidà cun dus autos ch'èn vegnids encunter.
Ils dus manischunzs da quels autos èn vegnids blessads levamain. In team d'urgenza da San Murezzan ha tgirà els, e purtà els en l'ospital a Samedan. Tuts trais autos han stuì vegnir stratgs davent.