Siglir tar il cuntegn
cuntegn

Engiadina San Murezzan: Collisiun frontala sin via

A San Murezzan hai dà la sonda saira ina collisiun frontala tranter dus autos. Ina dunna saja vegnida blessada levamain communitgescha la Polizia chantunala.

Il lieu da l'accident en la notg, ils autos donnegiads.
Legenda: La collisiun sin la Via Somplaz: Ina dunna è vegnida blessada levamain, ils autos han in donn total. MAD

Sco quai che la polizia chantunala scriva, era in'automobilista giuvna las saira las 19:45 en viadi sin la via Somplaz en direcziun Champfèr. Sin la via da glatsch è l'auto glischnà en ina curva sin l'auter vial e collidà là cun in auto che vegniva encunter. La dunna en quel auto ha subì in schoc ed è vegnida ospitalisada.

La Polizia chantunala sclerescha pertge ch'il accident ha savì capitar.

RR novitads 16:00