Il Paddock è in lieu d’inscunter per giasts ed indigens ed er il palc per diversas occurrenzas culturalas sut tschiel liber da la vischnanca da San Murezzan. Enturn il territori che sa chatta tranter la halla da chavaltgar e l’arena da glatsch a la riva dal lai da San Murezzan è ina saiv en furma da plirs containers. In da quels è vegnì embellì cun graffitis – fatgs da las commembras ed ils commembers dal cussegl communal. Cun agid da l'artist da Cuira, Fabian Florin alias Bane, han els squittà simbols en tut las colurs e mussà uschia lur vart creativa.