San Murezzan di gea al preventiv 2017

Cun gronda maioritad ha la radunanza communala da San Murezzan acceptà il preventiv 2017. Na han la votantas ed ils votants dentant ditg a la dumonda da la suprastanza communala d'auzar la taglia d’immobiglias da 0,5 promil sin 0,75 promil. La consequenza è in deficit pli grond.

san murezzan Bild in Lightbox öffnen.

Legenda da maletgs: Chasa communala da San Murezzan RTR, Violanta Rominger

1,2 milliuns dapli deficit sto la vischnanca da San Murezzan uss notar en il preventiv 2017. Quai munta in deficit da radund 4,6 milliuns francs. Il pe da taglia resta, sco proponì da la suprastanza communala, tar 60%.

Dapli daners per societads

Era gea han las radund 200 votantas e votants preschents a la radunanza communala ditg al preventiv d'investiziun. Sin dumonda ord la radunanza hai dà in pèr adattaziuns. Uschia è l'import da 30'000 francs per il kino a San Murezzan puspè part dal preventiv. Plinavant survegnan las societads da San Murezzan 36'000 francs dapli. Da quels van 20'000 francs al Club da Hockey San Murezzan.

RR novitads 10:00