La suprastanza crititgescha che Christian Jott Jenny saja memia pauc sin chanzlia. Vinavant na mainia el betg l'administraziun uschè sever, sco la suprastanza sa giavischass quai.
Il president communal sa defenda. El na possia betg represchentar la vischnanca e tgirar ses contacts cun sa serrar en il biro.
Sesidas e l'Uffizi chantunal
Per schliar las differenzas hai dà glindesdi ina sesida cun la suprastanza ed il president communal. Durant quella hajan las duas partidas pudì sclerir intginas differenzas. La suprastanza è tuttina s'annunziada tar l'Uffizi chantunal da vischnancas. Quella duai gidar a sclerir il cas.