Siglir tar il cuntegn

Header

cuntegn

Engiadina San Murezzan dovra ina lescha da cultura

Trais gremis han decis davart la finanziaziun per la promoziun da cultura ed events a San Murezzan. Il cussegl communal ha decis da stgaffir ina lescha da cultura.

Vairamain funcziunava la promoziun da cultura ed events era fin oz dretg bain. Ils trais gremis «San Murezzan Cultura», la cumissiun da turissem e per finir anc il cussegl communal da San Murezzan decidevan independentamain davart la finanziaziun dals divers events a San Murezzan. Cun ina moziun ha la cussegliera communala Karin Metzger-Biffi pretais structuras pli cleras. Il cussegl communal ha decis cleramain da stipular ina lescha da cultura.

Midaments era sin livel regiunal

Betg mo per San Murezzan, dapi la schliaziun dal Circul d’Engiadin’Ota manca era sin livel regiunal ina basa legala. Il president dal cussegl communal da San Murezzan, Sigi Asprion ha infurmà il cussegl communal che la conferenza dals presidents da la nova regiun Maloja haja nominà ina gruppa da lavur che dess manar propostas per tut la regiun.

audio
San Murezzan dovra ina lescha da cultura
ord Actualitad dals 25.01.2018.
laschar ir. Durada: 1 minuta.

RR novitads 06:00

Artitgels legids il pli savens