San Murezzan - Dunna da 86 onns vegnida sut camiun e morta

A San Murezzan è morta ina dunna ch'è vegnida sut in camiun. Tenor emprimas investigaziuns è il camiun vegnì or dal plazzal a la Via Mezdi ed è ì sur la dunna dad 86 onns ora, communitgescha la Polizia chantunala. Unitads dal salvament da l'Engiadin'Ota e la Rega èn stads en acziun. La dunna ch'era per viadi cun il rollator è però morta anc al lieu. La polizia intercurescha l'andament da l'accident.