Siglir tar il cuntegn

Header

cuntegn

Engiadina San Murezzan festagia a Michael Pfäffli

Il Cussegl Grond e l'Engiadin'Ota fan festa per il nov president dal parlament grischun a San Murezzan.

Sonda vers las 11 è arrivà il Grond cussegl cun ses nov president Miachael Pfäffli (partida liberaldemocrata PLD) a San Murezzan. En il parc da cura a San Murezzan bogn ha il president communal Sigi Asprion retschavì Michael Pfäffli e tut ils deputads. Suenter hai dà in cortegi enfin tar la halla da tennis nua che la festa è vegnida cuntinuada cun gentar ed allocuziuns.

La testa dal cortegia cun damas dad onur ed ils umens numnads.
Legenda: Il president nov Michael Pfäffli ed il vicepresident Martin Aebli (a sanestra, cun egliers). RTR, David Spinnler

2 presidents dal Cussegl grond en roda da l'Engiadin'Ota

Michael Pfäffli è president dal Cussegl grond durant in onn. Il vicepresident è Martin Aebli da Puntraschigna (partida burgais democratica PBD). El vegn en in onn successur da Michael Pfäffli sco president dal Cussegl grond. Quai savess esser in avantatg per la regiun.

Tant Pfäffli sco era Aebli mettan pais sin il fatg che in president dal Cussegl grond na fa betg politica tenor tradiziun. Dentant èsi senz'auter pussaivel da metter en ina buna glisch la regiun dal president dal Cussegl grond.

Uschia ha Michael Pfäffli gia organisà che il Grond cussegl vegn a visitar l'onn che vegn il Super-G dals umens durant il champiunadi da skis a San Murezzan.

RR novitads 17:00

Artitgels legids il pli savens