Engiadina - San Murezzan ha spetgà adumbatten sin Sharon Stone
L'actura da film americana n'è betg cumparida ad ina procedura da mediaziun. I va per daivets che Stone na duai betg avair pajà en connex cun in'occurrenza da charity en l'Engiadina.
La tractativa haja durà sulet 20 minutas, han rapportà schurnalists en il lieu. Sco quai ch'in giurist ha ditg envers il schurnal regiunal dal Grischun saja quai in indizi, ch'ins n'haja chattà nagin consens.
Sch'i n'ha vairamain dà nagina cunvegnientscha pon ils accusaders purtar plant aifer trais mais a la dretgira regiunala Malögia. Lura pudessi dar en radund in onn ina tractativa publica.
