Siglir tar il cuntegn

Header

Via tschufragnada.
Legenda: Il mardi avantmezdi è ì ora diesel a San Murezzan. Quel ha tschufragnà la via. MAD, Polizia chantunala
cuntegn

San Murezzan Ieli da diesel sin via da vischnanca

A San Murezzan ha ieli da diesel tschufragnà il mardi avantmezdi ina via tras la vischnanca. Sco la Polizia chantunala ha communitgà, saja in zic ieli era culà en il Lai da San Murezzan.

In lavurant haja chargià en la Via Chavallera a San Murezzan in bagger sin in camiun. Cun far quai saja in canister dad ieli – che n’era betg bain serrà – cupitgà. En tut sajan var 10 liters ieli da diesel culads ora sin la via e sur ils tumbins d'aua er en il Lai da San Murezzan, scriva la Polizia chantunala.

Ils pumpiers han cuvrì ils tumbins ed isolà l'ieli sin via cun absorbant. En pli han els fatg en il lai ina barriera d'ieli. En tut èn 10 pumpiers ed in collavuratur da l'Uffizi per la natira e l'ambient stads al lieu.

RR novitads 17:00