Siglir tar il cuntegn

Header

La Chesa Brunal è ina chasa tradiziunala grischuna brina cun in tet agiz, ina entrada cun vogt ed uschöls cotschens.
Legenda: La Chesa Brunal en il quartier God Dimlej sur il Lej da San Murezzan. MAD
cuntegn

San Murezzan La Chesa Brunal po vegnir vendida

Il suveran da San Murezzan ha approvà la vendita cun 799 cunter 375 vuschs. La participaziun era tar 47%.

Il suveran ha sa decidì cleramain per la vendita da la villa cun vista sin il Lej da San Murezzan. Per 12 milliuns francs mida ella damai mauns.

San Murezzan aveva iertà la chasa da l'anteriur possessur ed ha sa decidì da vender ella cunquai che la sanaziun avess custà radund dus milliuns francs. Il nov possessur aveva fatg l'offerta la pli auta.

Opposiziun encunter la vendita

Encunter la vendita aveva sa furmà opposiziun en furma da la gruppa d'interess Chesa Brunal. Quella vuleva evitar la vendita. Senza savair per tge che la vischnanca duvrass ils raps da la vendita, saja il ristg memia aut.

Nus essan trists dal resultat, ma era cuntents d'avair pudì lantschar ina discussiun.
Autur: Tanja KreisCommembra gruppa d'interess Chesa Brunal

La Chesa Brunal

La Chesa Brunal sa chatta en il quartier God Dimlej ed è vegnida fabritgada il 1911 da l'architect Nicolaus Hartmann. Ella ha ina bellezza vista sin il Lej da San Murezzan, set stanzas sin trais plauns ed ulteriurs indrizs per persunal en il plaun sutteran.

Video
San Murezzan: Protest cunter vendita da «Chesa Brunal»
Or da Telesguard dals 11.10.2019.
laschar ir

RR novitads 12:00+