La Clinica Gut è vegnida fundada dal 1929 dal medi Paul Gut da San Murezzan, quella giada sco clinica per accidents. Sur divers decennis è la clinica vegnida manada en il center da la vischnanca. Dal 1987 lura han trais partenaris surpiglià ella. Sper San Murezzan datti ina ulteriura clinica a Fläsch, plinavant praticas a Cuira, Buchs ad Ascona e finalmain era a Turitg. Dapi bunamain dus onns appartegna la Clinica Gut a la Fundaziun da l'Ospital chantunal e vegn era manada dad els.
Bunamain dapi 80 onns sa chatta la Clinica Gut en la chasa Villa Joos en il center da la vischnanca da San Murezzan. L’idea da vulair translocar e chattar ina nova dimora è naschida gia avant radund 20 onns. L’intend da fabritgar sin la parcella Serletta Sid, ma recurs han retardà e retardeschan anc oz in svilup en quella zona.
A partir da december a San Murezzan Bogn
La nova Clinica Gut ha custà radund 35 milliuns francs e bunamain 120 persunas vegnan a lavurar en l'avegnir. La Clinica Gut è sa spezialisada sin ortopedia ed accidents, insumma sin il tema da la motorica dal corp.
Or da l'archiv
