Siglir tar il cuntegn

Header

cuntegn

San Murezzan Milliuns per ina rait da fibra da vaider

Il cussegl communal da San Murezzan ha deliberà la missiva per mauns da la votaziun a l'urna dals 31 da schaner 2021. Previs è da realisar ina rait da fibra da vaider per l'entira vischnanca. Ils custs da 10,5 milliuns francs duain vegnir partids si tranter la vischnanca e San Murezzan Energia, che vegn a gestiunar la rait.

La realisaziun dal project è previsa per ils onns 2021 fin 2024. Tut las abitaziuns e tut ils affars da San Murezzan duain entaifer quel temp vegnir colliads cun la rait da fibra da vaider.

Via libra per center da sport

Il cussegl communal ha en pli deliberà la missiva per ina adattaziun al dretg da construcziun cun la Bäder AG pertutgant la halla da tennis. Era davart quest project votescha il suveran da San Murezzan ils 31 da schaner 2021.

La Bäder AG, che posseda la halla da tennis, survegn cun questa adattaziun la pussaivladad da realisar al lieu da la halla da tennis che sto vegnir sanada in nov stabiliment. Previs è da realisar ina halla da tennis cun dus plazzas che po era vegnir utilisada sco halla d'events e d'integrar en il stabiliment in sectur da spa e wellness.

Elecziuns

Tradiziunalmain elegia il cussegl communal en sia davosa sesida da l'onn ses nov president ni per l'onn 2021 sia nova presidenta. A partir dal schaner 2021 è quai Karin Metzger Biffi da la PCD. Sco vicepresidenta è Claudia Aerni da la Next Generation vegnida elegida.

audio
Per tadlar: Las novitads da las 8 uras
04:33 min, RTR Audio dals 12.12.2020.
laschar ir. Durada: 04:33 minutas.

RTR novitads 20:00

Artitgels legids il pli savens

Scrollar a sanestra Scrollar a dretga