Siglir tar il cuntegn

Header

Navigaziun

La halla da chavaltgar a San Murezzan durant l'enviern.
Legenda: La halla d'ir a chaval a San Murezzan è serrada dapi il november 2013. RTR, A. Caprez
cuntegn

Engiadina San Murezzan na vul betg investir en halla d'ir a chaval

San Murezzan na vul betg sanar la halla d'ir a chaval ch'è serrada dapi l'onn 2013.

La suprastanza communala ed il cussegl communal da San Murezzan han decidì da betg vulair investir raps per sanar la halla d'ir a chaval ch'è serrada dapi il november 2013.

Il president communal ha ditg envers Radiotelevisiun Svizra Rumantscha suenter la sesida dal parlament communal gievgia saira che la vischnanca tschertgia ussa investiders privats per realisar ina da las variantas pussaivlas che ina cumissiun aveva elavurà per l'edifizi ch'è 115 onns vegl.

Per chattar in investider sa dat la vischnanca in enfin dus onns temp. Sch'ins na chatta enfin alura nagin investider duai la halla d'ir a chaval vegnir rutta giu.