Pervi d'ina odur dubiusa èn ils pumpiers da San Murezzan stads en acziun dumengia avantmezdi. En ina chasa da pliras famiglias aveva in abitant constatà ina odur nunenconuschenta datiers da l'ascensur, scriva la Polizia chantunala. Ils pumpiers hajan lura evacuà ils abitants pertutgads e ventilà la chasa. Las duas persunas che han gì contact cun l'odur corrosiva e che han gì difficultads da respirar, han ins transportà en l'ospital da Samedan.
15 persunas dals pumpiers da San Murezzan, in collavuratur da la polizia communala , dus teams dal salvament Engiadin'Ota cun duas ambulanzas sco anc sis collavuraturs da la polizia chantunala era durant duas uras en servetsch. Tge materia ch'è stada en l'aria, n'è dentant betg stà pussaivel d'eruir.
Or da l'archiv
Ins aveva 4 magazins en differents lieus a San Murezzan. Logisticamain era quai difficil. Uss han els tut en in lieu, tuts pon partir da qua en in cas urgent ed ins sto betg pli avair tschert material 4 giadas.
