L'EHC San Murezzan giova a chasa il 2 gieu dal quartfinal da playoff en la segunda liga encunter l'EHC Uzwil. Il prim gieu ha San Murezzan pers ordaifer cun 0:3. San Murezzan drova ina victoria e gols en il segund gieu da playoff. Quai per mantegnair las schanzas da cuntanscher il 1/2 final dals playoffs en la segunda liga. Fans che arrivan questa saira vestids blau-mellen han entrada gratuita.
Partenz Signuradi sco la stagiun passada?
Gia avant in onn e l’equipa grischuna fruntada en ils playoffs da la segunda liga encunter Chiasso. Lura dentant gia en il 1/8 final. Lura aveva l’equipa grischuna gudagnà cleramain cun 3:0 encunter l’equipa tessinaisa. Quest onn vegn il duel tranter Partenz e Chiasso en il ¼ final. La finamira resta dentant la medema. Gudagnar er questa giada encunter Chiasso.
La partenza per realisar questa finamira e grategiada. Partenz Signuradi ha gudagnà l’emprim gieu da ¼ final encunter Chiasso. Questa saira po Partenz far il proxim pass en direcziun dal ½ final.