Engiadina - San Murezzan quinta cun deficit il 2016
Il cussegl communal da San Murezzan ha repassà en in’emprima lectura il preventiv 2016. Tar sortidas da stgars 87 milliuns francs prevesa quel in deficit da 5,6 milliuns francs.
Il cussegl ha fatg en questa emprima lectura pitschens midaments vi dal preventiv. La segunda lectura è ils 5 da november. Plinavant ha il cussegl communal da San Murezzan approvà in proposta da la PLD da metter en ina controlla da custs externa per optimar uschia ils custs.
