Las entradas per la vischnanca da San Murezzan ord taglias èn per 30,2 milliuns francs sur il budget. La raschun sajan surtut entradas da taxas tras midadas da possess ed entradas da taglia sin il gudogn tras la vendita da bains immobigliars. Il parlament da San Murezzan ha approvà il rendaquint en sia sesida.
Credit da 3,5 milliuns per turissem
Ultra da quai ha il cussegl communal da San Murezzan approvà in credit general da 3,5 milliuns francs. Quai per l’elavuraziun dal martgà turistic e la collavuraziun parziala cun la destinaziun Engiadina San Murezzan durant l’onn 2023. La missiva vegn suttamessa ils 12 da zercladur 2022 a la populaziun a l’urna.
Revisiun parziala lescha da construcziun
Ditg gea ha il parlament er a plirs midaments en la lescha da construcziun da San Murezzan. Grazia a quels duessan las proceduras tar dumondas da construcziun vegnir tractadas pli svelt ed effizient. Ultra da quai duai vegnir reducì il dumber da parcadis obligatorics per ustarias e butias ed instradà mesiras per reducir l’immissiun da glisch. Il suveran da San Murezzan decida er qua en chaussa ils 12 da zercladur 2022 a l’urna.
