Siglir tar il cuntegn

Header

cuntegn

Engiadina San Murezzan revochescha ultimatum envers CSI

Quai ha il president communal, Sigi Asprion, ditg envers Radiotelevisiun Svizra Rumantscha. Avant in pèr mais anc tunava quai tut auter. La vischnanca aveva da in ultimatum a l’organisaziun dal CSI per ademplir tut las pretaisas enfin la fin favrer.

La situaziun saja al mument uschè ch'ins vesia che il comité d'organisaziun dal CSI lavura vidlonder per ademplir las pretaisas fatgas da la vischnanca.

Perquai vul la vischnanca uss anc dar dapli temp a l’organisaziun da metter en urden tut, di Sigi Asprion.

Il punct il pli impurtant saja che las finanzas sajan segiradas, ils quints da l'onn 2015 pajads.

Quai che pertutga ils quints averts saja entant sin maisa in concept che mussia che ils raps èn d’enturn. Ed era la finanziaziun per quest’on vesa entant ora bain.

Occurrenza impurtanta per San Murezzan

L’eveniment sa cunfa cun San Murezzan, perquai vul la suprastanza communala tegnair ferm vi da l’eveniment - uss ch'ella vesa ch'il comité d'organisaziun lavura per ademplir tut.

RTR/vr

Artitgels legì il pli savens

Nach links scrollen Nach rechts scrollen