Siglir tar il cuntegn

Header

A sanestra ina chasa alva cun quatter auzadas - amez l'entrada principala - a dretga ina chasa alva cun fanestras cotschnas.
Legenda: Las lavurs vi da la chasa da tgira Promulins duain cumenzar questa primavaira - sco era las lavurs da construcziun da la chasa da tgira Du Lac a San Murezzan. MAD
cuntegn

San Murezzan/Samedan La construcziun dals centers da tgira duai cumenzar la primavaira

Cun in retard dad in onn duain las lavurs vi dals dus centers da tgira a San Murezzan e Samedan cumenzar suenter Pasca. Premissa è che recurs na vegnan betg tratgs enavant.

A San Murezzan ha la regenza grischuna dà il december glisch verda per la revisiun parziala da la planisaziun locala. Il medem mument ha ella refusà recurs cunter questa. Enfin ils 18 da schaner han ils recurrents anc temp da trair vinavant il recurs a la Dretgira administrativa.

A Samedan ha la Dretgira administrativa refusà curt avant Nadal dus recurs cunter la surdada da lavurs. Era qua han ils recurrents la pussaivladad da trair vinavant la sentenzia al Tribunal federal.

Ulteriurs recurs

A San Murezzan èn actualmain sin maisa anc ulteriurs recurs cunter la dumonda da construcziun per la chasa da tgira Du Lac. Davart quests vegn la suprastanza communala a decider anc il schaner.

Sche la construcziun po cumenzar la primavaira vegn la chasa da tgira Du Lac a San Murezzan ad esser pronta l'onn 2024, in onn pli tard che previs. La chasa da tgira Promulins vegn ad esser pronta l'atun 2022, sche las lavurs pon cumenzar suenter Pasca.

Midaments betg in tema

Tant a San Murezzan sco er a Samedan vegnan actualmain planisads enavant ils projects oriunds. Vi da las dimensiuns e la cifra da letgs per il Du Lac na vegn per il mument midà nagut, ha ditg la suprastanta da San Murezzan Regula Degiacomi envers RTR. Ed era Jakob Stieger, president da la Promulins SA di, ch'i vegnia planisà enavant sco previs. Unic las dimensiuns dal provisori vegnian discutadas anc ina giada. La decisiun crodia sin basa da las cifras d'occupaziun actualas da la chasa da tgira Promulins a Samedan.

Per tadlar curt e cumpact:

RTR novitads 06:00

Artitgels legids il pli savens

Scrollar a sanestra Scrollar a dretga