Dapi passa 50 onns fabritgan collavuraturs dal Tirol dal Sid la bobera da 1'722 meters lunghezza da San Murezzan enfin Schlarigna. Els fan quai cun gronda passiun. Tranter dad els datti da quels che lavuran gia passa 30 onns tar la bobera. Per garantir era en avegnir ina surdada da savida, èsi però impurtant da pudair surdar las responsabladad e la savida en mauns pli giuvens.
Nagins experts – ma persunas cun experientscha
Per il manader da fatschenta da la Olympia Bob Run, Damian Gianolla, è quai ina gronda sfida. Per far la bobera dovri persunas cun experientscha. Collavuraturs ch'èn pronts da vegnir a gidar a realisar la bobera, ston esser pronts d’emprender dals vegls e lura restar plirs onns per alura surdar pli tard vinavant la savida. Oz funcziuna quai anc, ma i daventa adina pli grev da chattar novs collavuraturs. Il manader da fatschenta è tuttina persvadì da chattar quels fascinads dal glatsch era en avegnir.
RTR actualitad 17:00