Siglir tar il cuntegn

Header

cuntegn

Engiadina San Murezzan: Scumond per objects sgulants

Durant il campiunadi mundial da skis èsi scumandà da laschar sgular dronas, helicopters ed aviuns da model en il spazi d'aria a San Murezzan. Quai ha decidì la regenza grischuna.

Ils campiunadis mundials da skis èn ina da las occurrenzas da sport las pli grondas sin plaun internaziunal. Perquai stoi vegnir fatg quint cun dapli sgols en il spazi d'aria enturn San Murezzan e la plazza aviatica da Samedan durant la realisaziun. Tals objects sgulants en l'aria pon periclitar considerablamain las sportistas ed ils sportists, ils giasts, las aspectaturas ed ils aspectaturs sco er il traffic aviatic local.

Survista dal spazi d'aria.
Legenda: Spazi d'aria da San Murezzan e da Zuoz. mad

Serrada dal spazi d’aria

Per garantir la segirezza da l'occurrenza resta il spazi aviatic serrà da glindesdi, ils 6 da favrer 2017 (08.00) fin dumengia, ils 19 da favrer 2017 (24.00) per objects sgulants fin ad in pais total da 30 kilograms.

RR novitads 09:00

Artitgels legids il pli savens