Siglir tar il cuntegn

Header

Navigaziun

cuntegn

Engiadina San Murezzan serra rendaquint 2018 cun in pitschen gudogn

Il rendaquint serra cun in gudogn da radund 217'000 francs. Quai tar expensas da 83,2 ed entradas da 83,4 milliuns francs. Las investiziuns èn stadas tar bundant 18 milliuns francs.

Il cussegl communal ha deliberà unanimamain il rendaquint la gievgia saira . Durant la discussiun è dentant vegnì intunà ch'ins stoppia budgetar en l'avegnir cun premura.

La nova chasa da scola Grevas, la chasa da tgira Du Lac u l'ARA regiunala sajan grondas investiziuns che spetgian.

Chasa communala da San Murezzan.
Legenda: Anc scriva San Murezzan cifras nairas, ils proxims onns spetgan dentant grondas investiziuns. RTR, Violanta Rominger

Moziuns cun finamira spargnar

Il cussegl ha perquai era declerà relevant duas moziuns dal cusseglier Fritz Nyffenegger. Ina pretenda che la suprastanza duai mussar 10 fin 15 posiziuns concretas en il preventiv 2020 nua ch'ins po spargnar. L'autra vul far attent da betg emblidar il rapport davart l'examinaziun da lezias ed expensas che l'administraziun ha fatg ils davos dus onns. Uss duai la suprastanza decider sch'in expert extern duai analisar il rapport e nua che potenzial da spargn po vegnir nizzegià.

RR novitads 06:00