Siglir tar il cuntegn

Header

cuntegn

San Murezzan Sin patruglia cun ils policists da bike

Dapi 17 onns datti ils policists da bike a San Murezzan. Lura pioniers, oz èn els era ambassadurs turistics.

Els fan controllas d'autos e da velos, controllas en connex cun la lescha da pestga u controllas da bulieus. Surtut en lieus che n'èn betg bain u insumma betg cuntanschibels cun autos.

Avant 17 onns è questa patruglia vegnida fundada sco emprima en Svizra. Entant datti policists sin velos en diversas citads ed er a la plazza aviatica a Turitg.

Policists ambassadurs

Per San Murezzan n'èn ils policists betg mo policists, mabain era ambassadurs per ils turists. Sin il velo sajan els pli manaivel ad auters velocipedists u era a viandants. Inscunters sajan uschia savens simpatics e la glieud resguardia els cun bainvulientscha.

La glieud vul far vacanzas qua e betg magliar la pulvra da l'auto da polizia.
Autur: Claudio Caprez Policist da bike

Quasi mintga di è in policist da la polizia communala da San Murezzan sin patruglia cun il velo.

audio
Sin patruglia a San Murezzan cun policists da bike
ord Actualitad dals 27.07.2019. Maletg: RTR, Riccarda Müller
laschar ir. Durada: 3 minutas 43 Secundas.

Dapi dus onns fan ils policists lur patruglias cun velos electrics, sco adina dapli auters velocipedists. In svilup che chaschuna nov potenzial da conflict e ch'ils policists observan perquai precis.

Sco emprima mesira pendan dapi questa stad tavlas en divers lieus a San Murezzan. Quellas fan attent che viandants e bikers duain mussar respect in envers l'auter.

RR actualitad 06:00

Artitgels legids il pli savens