San Murezzan – situaziun tar staziun na satisfa betg

Dapi la renovaziun da la staziun na datti pli nagin surpassadi sur la via mabain ina strivla melna. Quella chaschuna dentant tut tenor situaziun da traffic lungas colonnas e situaziuns privlusas. La fracziun dal PPS dal parlament fa ussa squitsch.

Sguard sin la strivla melna tranter la staziun da San Murezzan e la riva dal lai. Sin la strivla melna hai glieud, davant spetgan autos ed a dretga sin il parcadi da bus è in bus alv. Bild in Lightbox öffnen.

Legenda da maletgs: La strivla melna tranter la staziun e la riva dal lai a San Murezzan chaschuna per discussiuns. RTR, Riccarda Müller

En ina dumonda vul la fracziun da la partida populara svizra e dals independents savair da la suprastanza communala da San Murezzan co ella vesa la situaziun e tge pussibilitads ch'i dess da megliurar la situaziun.

La suprastanza respunda che la situaziun na saja betg satisfaschanta e ch'ella fissi pronta da sclerir anc ina giada tar il chantun las pussibilitads da fabritgar ina rondella che calmass il traffic. Ella respunda dentant era ch'in surpassadi dependia da la planisaziun d'areal da la Viafier Retica ch'è anc betg finida e ch'in sutpassadi fissi bler memia char.

La fracziun dal PPS/independents vul discutar questa resposta en la seduta dal cussegl communal da gievgia saira. Ella fa dentant cler envers RTR ch'ella fiss pronta da far squitsch, sch'i na dat nagina soluziun segira entaifer temp util.

RR novitads 17:00