Il concept cumplessiv da traffic prevesa mesiras da meglierar la situaziun dal traffic d’autos e da parcadis, vul realisar trajects pli attractivs per ils velocipedists e definir cleras zonas per ils peduns. Plinavant dess era il traffic public vegnir integrà en il project. Oravant tut durant la stagiun auta han ils bus che circuleschan regularmain tras la vischnanca gronds retards causa il traffic intensiv.
In differents pass, tenor prioritad ed urgenza, dess la situaziun vegnir meglierada durant ils proxims 15 onns.
La populaziun da San Murezzan e vegnida orientada dal concept menziunà ed ha ussa la pussaivladad da prender posiziun en furma dad ina cooperaziun publica enfin la fin dal mais d'october.