Siglir tar il cuntegn

Engiadina San Murezzan turissem cun post d’infurmaziun futuristic

Il nov biro d’infurmaziun dal turissem a San Murezzan sa preschenta frestg ed innovativ. En il center stat in'insla da cussegliaziun cun visurs ch'infurmeschan constant sur da las activitads actualas.

Legenda: Guardar il video «In sguard en la iLounge». Durada 1:13 minutas.
Or da sil punct dals 28.07.2016.

iLounge, uschia sa numna il nov post d’infurmaziun da turissem da San Murezzan. Davent dad ina cussegliaziun al fanestrigl, ad ina cussegliaziun averta cun contact pli direct cun il giast.

Adattà al temp digital dad ozendi

Fin oz vegniva il giast a San Murezzan infurmà en il plaun sut da la chasa communala. Là vev'i in biro cun differents fanestrigls. Ussa e vegnì avert in nov post d’infurmaziun che sa numna «iLounge».

L’idea deriva da las enconuschentas butias dad Apple-Store. Amez il local sa chatta in'insla da cussegliaziun, enturn quest'insla èn plazzads ils visurs, uschè ch'ils collavuraturs pon infurmar il giast persunalmain, direct e digital.