Siglir tar il cuntegn

Header

video
San Murezzan ha preschentà ils plans pel futur da la scola
Or da Telesguard dals 24.04.2019.
laschar ir
cuntegn

Engiadina San Murezzan vul construir ina nova scola

«Unisono»: uschia sa numna il project victur per ina nova scola a San Murezzan. Quella duai unir tut las classas sut in tetg. Quant ch'il project duai custar e surtut cura ch’ins vul realisar ella n’è per il mument anc betg enconuschent.

Il project «Unisono» è vegnì selecziunà ord 15 differentas ideas inoltradas en occasiun da la concurrenza d'architectura. El adempleschia tenor ils responsabels il pli fitg las pretaisas per ina scola nova e moderna.

«Unisono» duai remplazzar la chasa da scola Grevas, ch'ha 50 onns. Plinavant duai el reunir tut las classas sut in tetg, da l'emprima fin la superiura. Actualmain va la quarta e tschintgavla classa a scola en ina chasa amez il vitg.

Trais facturs decisivs

Tenor la co-manadra da la scola da San Murezzan e commembra da la giuria, Daniela Gmünder-Frizzoni, hajan persvadì surtut las cleras furmas dal bajetg. Vinavant haja sia integraziun en la cuntrada urbana ed il fatg ch'il bajetg pussibilitescha in andament sumegliant a las structuras actualas fatg ina buna impressiun.

Visualisaziun dal project victur per ina nova scola a San Murezzna.
Legenda: Uschia duai la nova scola vesair or. RTR, Dario Müller

Actualmain pon ins contemplar ils differents models en la scola Grevas a San Murezzan. En il fratemp duai il project victur vegnir elavurà enavant en furma d'in preproject.

RR actualitad 17:00 / TSG 17:40

Artitgels legids il pli savens

Scrollar a sanestra Scrollar a dretga