La gronda part dals custs portan las 11 vischnancas en Engiadin’Ota e la vischnanca da la Bregaglia cun 12'000 francs. Ils dus clubs alpins Bregaglia e Bernina, sco er ina fundaziun contribueschan er ina part vidlonder.
Sco ch’il cussegl communal da Puntraschigna scriva en ses rapport emnil, duain las lavurs da la stad 2014 er vegnir realisadas quest onn, cunquai che las nauschas cundiziuns da l’aura avevan impedì quellas.
Tranter auter duain ils guids sanar quest onn la part tranter la «Fuorcla Prievlusa» e l’entrada da la cresta dal Bianco, sco er segirar il spitg dal Badile tranter la Platta da Risch ed il piz. Las guidas vulan er controllar e renovar las morenas lateralas vi da las rutas sin il vadretg.
La societad dals guids da muntogna è dapi il 2012 responsabla per il mantegniment da las rutas alpinas per alpinists e viandants en Engiadin’Ota e la Bregaglia.