Siglir tar il cuntegn

Header

audio
Silvaplauna: nova canorta d'uffants
Or da Actualitad dals 21.06.2022.
abspielen. Laufzeit 2 minutas 33 Sekunden.
cuntegn

Schlargiar la purschida Silvaplauna vul realisar ina canorta

Var 1'100 abitantas ed abitants quinta la vischnanca da Silvaplauna en Engiadin’Ota. Circa 60 uffants van a scolina ed en la scola primara en vischnanca. Per ils uffants che na van anc betg a scolina na datti actualmain però anc nagina spierta per la tgira. Quai duai sa midar, sco Daniel Bosshard, il president communal ha ditg envers RTR. Numnadamain duai vegnir construida ina canorta cun var 50 plazzas. Previs è da construir la canorta en l’edifizi da la scolina. Suenter 40 onns haja quel numnadamain da vegnir sanà.

In'investiziun da var tschintg milliuns francs

Per la sanaziun e la construcziun da la canorta quinta la vischnanca al pe dal pass dal Güglia cun investiziuns da var tschintg milliuns francs. La nova canorta duai vegnir gestiunada da la tgira d’uffants Engiadina, la KIBE. Oz maina quella quatter canortas en Engiadin’Ota – a San Murezzan, Puntraschigna, Samedan e Zuoz. Cun ina nova canorta a Silvaplauna duai la spierta vegnida schlargiada er en la part sura da l’Engiadin’Ota, uschè Daniel Bosshard. Sche la radunanza communala dals 23 da zercladur deliberescha il credit, saja previs che la nova canorta e scolina avran las portas sin la stagiun d’enviern dal 2023.

RTR actualitad 11:30

Artitgels legids il pli savens

Scrollar a sanestra Scrollar a dretga