Siglir tar il cuntegn

Header

Sguard sin Schlarigna en ina cuntrada brina, sin ils piz da las muntognas è in zic naiv.
Legenda: Il hotel Cresta Palace amez Schlarigna dovra sanaziuns urgentas. RTR, Anna Caprez
cuntegn

Schlarigna Cumprar ulteriuras aczias da l'hotel Cresta Palace

La radunanza communala decida ils 5 d'october, sche Schlarigna vul augmentar sia participaziun per 400'000 francs.

Gia oz tegna la vischnanca da Schlarigna 89 aczias à nominal 100 francs vi dal hotel Cresta Palace. Uss duai questa participaziun vegnir augmentada per ulteriurs 400'000 francs. Davart questa fatschenta decida la radunanza communala ils 5 d'october.

L'hotel Cresta Palace ha decidì d'augmentar il chapital d'aczias per maximalmain 7,2 milliuns francs. Quai per sanar las stanzas ed ils indrizs sanitaris. Ils dus acziunaris principals han empermess da sustegnair quai cun imports considerabels. L'hotel ha dentant era dumandà la vischnanca, sch'ella veglia sa participar a questa suttascripziun d'aczias.

Sco la suprastanza communala scriva en la missiva è ella da l'avis, che l'hotel saja impurtant per la vischnanca turistica Schlarigna e ch'igl è perquai en l'interess da la vischnanca dad al sustegnair.

RTR novitads 12:00

Artitgels legids il pli savens

Scrollar a sanestra Scrollar a dretga