L'En po vegnir revitalisà en la vischinanza da Schlarigna. La regenza grischuna ha approvà il project che custia var 4,8 milliuns francs e che duaja vegnir terminà l'onn 2023.
Sin in traject da radund 2,5 kilometers vul ins tranter auter crear abitadis tipics per il lieu e reducir ils effects negativs da la deflusiun che resultan da l'ovra electrica Islas. La protecziun cunter aua gronda restia garantida er suenter ch'il project saja realisà.