Siglir tar il cuntegn

Header

cuntegn

Schlarigna Hotel Arturo è vendì e daventa chasa privata

A partir da la primavaira 2024 vegn l'Hotel Arturo a Schlarigna transmidà en ina chasa privata d’abitar. Sco ch’ils possessurs da l’edifizi, ils fragliuns Hauser scrivan en ina communicaziun, n’hajan els betg chattà ina soluziun per garantir ina successiun per l’interpresa da gastronomia .

Igl è donn sch’ina interpresa da tradiziun sco l’Arturo ha da vegnir serrada. Ina gestiun uschè pitschna, n’è deplorablamain ord punct da vista economic strusch factibla.
Autur: Markus Hauser represchentant «possessurs Hotel Arturo»

Vendì ad in privat

La chasa entamez il vitg da Schlarigna hajan els vendì ad ina persuna privata. Il nov possessur da la Germania viva dapi blers onns en Svizra e saja collià stretg cun l’Engiadina. El veglia renovar la chasa per vegnir ad abitar a Schlarigna. L’hotel restia anc avert fin la primavaira da l’onn proxim. La chasa era en possess da la famiglia Hauser dapi 35 onns.

audio
Per tadlar: curt e cumpact
ord RTR Audio dals 09.05.2023.
laschar ir. Durada: 57 Secundas.

RTR novitads 15:00

Artitgels legids il pli savens