Cun ina gronda festa ha celebrà la societad per la lingua e cultura ladina Uniun dals Grischs il giubileum da 40 onns dal Chesin Manella. Il Chesin Manella a Schlarigna è per uschè dir la butia da cudeschs da l’Uniun dals Grischs.
Guardar enavos fa plaschair – vinavant dentant betg tant
In sguard en l’avegnir na prevesa gist buns temps per il Chesin Manella. La vendita da cudeschs en butias va en general enavos ed en il Chesin Mannella è en la deficitara.
Perquai ha l’Uniun dals Grischs incumbensà ina cumissiun cun elavurar in concept da restructuraziun. Questa cumissiun cumenza sia lavur anc en l'october.
Chesin Manella cun novas funcziuns en avegnir
Tenor il president da l’uniun Hermann Thom na vul ins betg serrar il Chesin Manella mabain midar la funcziun da questa chasa. Quai sco per exempel cun reducir la butia da cudeschs e spustar quella vendita anc dapli en l'internet.
Cun quella midada savess il Chesin Manella porscher dapli plazza per inscunters, exposiziuns, scolaziuns ed auter e vegnir tras quai anc pli impurtant per ils Rumantschs e las Rumantschas en l'Engiadin’Ota.
RR actualitad 11:00
