La paraid da protecziun cunter canera duai esser 800m lunga ed 1,8m auta. Ella duai cumenzar tar l'ovra electrica Islas ed ir enfin tar la punt sur l'En tar l'ARA Staz. Quai pon ins leger en la missiva per la radunanza communala dals 15 d'avrigl. La paraid duai esser da betun fin sin l'autezza da la saiv da segirezza e la part sura duai esser or da vaider.
Ina obligaziun legala da construir ina tala paraid na dettia quai, scriva la vischnanca en la missiva. Examinaziuns da canera hajan dentant mussà, ch'ina paraid da protecziun cunter canera augmentass la qualitad da viver.
Segund project
Gia l'onn 2006 vuleva Schlarigna construir ina protecziun cunter canera. Il suveran ha dentant refusà il project. Entant ha il chantun sanà il sviament.
Dasper la paraid da protecziun cunter canera vul Schlarigna era installar in indriz d'avertiment da selvaschina. Il project duai vegnir realisà ensemen cun l'Uffizi chantunal da construcziun bassa. Ils custs per Schlarigna muntan ad 1,34 milliuns francs.
RR novitads 12:00