La radunanza communala da Schlarigna ha concedì in credit da 140'000 francs per il Olympia Bob Run San Murezzan-Schlarigna. Ils proxims 4 onns èn quintads investiziuns en il Bob Run da totalmain 400'000 francs. Tenor contract sto Schlarigna surpigliar 35% da quests custs.
Plinavant ha la radunanza communala er approvà il quint communal 2017. Quel serra cun in gudogn da 3,2 milliuns francs tar entradas totalas da 24,2 milliuns francs.
