Siglir tar il cuntegn
cuntegn

Engiadina Schlarigna va d'accord cun lescha e credits

Ils da Schlarigna han il glindesdi approvà la lescha communala davart abitaziuns secundaras e divers credits.

Schlarigna.
Legenda: La summa totala dals credits munta a 580'000 francs. Keystone

La radunanza communala da Schlarigna ha il glindesdi approvà la lescha communala davart abitaziuns secundaras. Quella adattescha las regulaziuns communalas a la nova lescha da la Confederaziun e dal chantun.

Lescha da segundas abitaziuns

Dapi il 2016 datti en Svizra ina lescha federala per segundas abitaziuns cun ordinaziun correspundenta. Era Schlarigna tutga cun in cumpart da 20% d'abitaziuns secundaras tar quellas vischnancas ch'èn pertutgadas.

Plinavant han ils da Schlarigna dà glisch verda a differents credits:

  • 170'000 francs per remplazzar in vehichel communal
  • 300'000 francs per sanar ils tetgs da la Chesa Piz Vadret e la Chesa Plaun Gianet
  • 110'000 francs per novas bandas da hockey per il Center da Sport

RR novitads 17:00