Las Ovras electricas d'Engiadina OEE han decis co ellas vulan sanar l'aua restanta da lur implants. Ensemen cun il chantun, las vischnancas, l'uniun da pestgaders e las organisaziuns da l'ambient hajan ins elavurà ina soluziun ecologica ed economicamain supportabla, scrivan las Ovras electricas.
Tranter auter s’obligheschian ellas da dar giu aua restanta tar las tschiffadas en la Val S-charl ed a Susauna. Ils indrizs tecnics vegnian anc construids quest onn. Sin basa da questa soluziun po la regenza grischuna dar la lubientscha necessaria.
RR novitads 11:00
CDM/fc
