Siglir tar il cuntegn

Engiadina Schoc en Engiadina Bassa: Hotel Schweizerhof serra sias portas

L’hotel a Vulpera cun radund 130 stanzas serra sias portas per la fin da la stagiun 2015. Quai ha confermà il Robinson Club. Il chantun era infurmà, attribuescha però la responsabladad per salvar l'hotel als possessurs.

Tuts 90 emploiads ston ir

Ils bun 90 emploiads sajan vegnids infurmads il glindesdi davart lur relaschada per l’atun 2015, ha ditg il directur actual da l’Hotel Schweizerhof, Andreas Küng, envers RTR. Las reservaziuns dals giasts vegnian translocadas per proxim enviern ad Arosa, nua ch’il Robinson Club posseda er in hotel.

Perdita da pernottaziuns en la regiun

L’hotel Robinson Club Schweizerhof è in dals gronds en la regiun Engiadina Bassa - cun 130 stanzas - e vegn manà a Vulpera dapi radund 30 onns. Tenor Niculin Meyer, il pledader da la destinaziun turistica, giajan a perder radund 55’000 pernottaziuns l’onn senza la gestiun da l’hotel a Vulpera.

Legende: Video Las reacziuns da vischnanca e chantun vers il "out" per il Robinson Club abspielen. Laufzeit 03:26 Minuten.
Or da Telesguard dals 23.06.2015.

Jon Domenic Parolini: «Quai è ina fitg gronda perdita per l'entira regiun»

Il chantun saveva gia dapi pliras emnas da la decisiun da serrar l'Hotel Schweizerhof a Vulpera, uschia il minister d’economia Jon Domenic Parolini. Per la regiun saja la serrada da l'hotel ina perdita immensa. I na saja dentant betg chaussa dal chantun da salvar l'hotel cun investir daners. La finala dependia quai dal possessur, co ch'i va vinavant ed i saja er chaussa dal possessur da chattar ina pussaivladad da salvar l'hotel – en tge furma er adina, uschia Parolini.

Las reacziuns

Fatgs e valitaziuns

RR novitads 06:00