Sent era sutoccupà, Scuol percunter sura. Perquai ha il cussegl da scola da la vischnanca da Scuol suttamess ina purschida speziala als geniturs dals uffants che van il proxim onn en la 7avla reala u secundara. Quels che sa decidan dad ir a scola en avegnir a Sent duajan avair ina scolaziun pli cumpacta ed ina curta sur mezdi, quai per pussibilitar lura vers saira dad ir a realisar lur hobis, sco per exempel sport o musica.
Set scolaras e scolars da differentas fracziuns da la vischnanca da Scuol sajan sa decis per la purschida speziala, uschia la presidenta dal cussegl da scola Anna Mathis. Els èn fitg cuntents da betg stuair sfurzar dad ir a scola a Sent, tut ils set han numnadamain decis facultativ da far quel pass.
Cun questa soluziun vegn la scola da Scuol d’accumplir il dumber da scolaras e scolars tenor las prescripziuns dal chantun Grischun. Scuol avess gì memia blers, Sent percunter memia paucs. Uschia han ins egualisà il dumber.
