Siglir tar il cuntegn

Header

video
Di da fufragnar en la scola da musica d'Engiadin'Ota
Or da Telesguard dals 21.06.2021.
laschar ir
cuntegn

Scola da musica Engiadin'Ota Forsa sa sviluppa in’amur per adina

Il di ha cumenzà cun sunar la ghitarra, il saxofon, il clavazin ubain blers auters instruments. Pudair prender enta maun per l'emprima giada in instrument – quai è in mument che resta en memoria. 65 uffants èn s'annunziads per il di da fufragnar da la «Scoula da musica d'Engiadin'Ota» a Samedan ed han pudì empruvar e testar, tge instrument che pudess plaschair.

Auter che adina

Il di da fufragnar han ils responsabels stuì organisar auter che auters onns. Pervia da las prescripziuns da segirezza encunter la pandemia han els reservà per mintga uffant ina quart d’ura cun in magister da musica. Quasi, in’audienza privata. E quai è stà in grond success. Blers uffants han giudì las instrucziuns privatas.

In temp difficil

Il di da fufragnar è pensà per mussar, che instruments che vegnan instruids, per svegliar l’interess ed il plaschair vi da la musica, ma era per chattar dapli uffants, che vulan daventar commembers da la «Scoula da musica d’Engiadin’Ota.» Dapi l’entschatta da la pandemia èn las cifra da las commembras ed ils commembers sa sbassada marcantamain. En congual cun l'onn 2018/2019 han els pers radund 100 scolaras e scolars. Per il pli ord da motivs finanzials.

Il fieu exista gia

Ils magisters han betg da svegliar il fieu, ils uffants portan quel en sasez. Per il pedagog e magister da musica Anton Ludwig Wilhalm è il di da fufragnar in dals pli bels – uffants, singuls per 6 onns vegls – vegnan cun grond interess e fieu per la musica. Sia lezia vesa el sco motivatur – da mussar, ch’ins sa far progress cun exercitar.

Artitgels legids il pli savens

Scrollar a sanestra Scrollar a dretga