Siglir tar il cuntegn

Header

Navigaziun

scolara emprenda da sunar flauta.
Legenda: Pervi da las pli autas contribuziuns dals scolars, prendan radund 50 uffants damain uras da musica. Keystone
cuntegn

Scola da musica Engiadin'Ota Senza sustegn finanzial – nagina scola

L’onn da musica actual sa preschenta cun in deficit da 70’000 francs. Il problem èn las cunvegnas cun ils vitgs.

Il circul en Engiadin’Ota na datti betg pli. Perquai ha la scola da musica stuì ir tar mintga singul vitg a tractar e suttascriver ina cunvegna da prestaziun. Uschia èn entrads en la cassa da la scola da musica radund 60’000 francs damain che previs. Vitiers vegn che la scola sto pajar en singuls vitgs in tschains per las localitads d'emprova.

Consequenzas

La scola da musica ha prendì duas mesiras da respargn. Dad ina vart han ins auzà la contribuziun per ils uffants. Quai ha gì per consequenza che radund 50 uffants damain piglian ussa uras da musica. Da l’autra vart ins ha stritgà differentas spesas dals magister da musica.

A lunga vista ston ils vitgs sustegnair la scola da musica, uschiglio na dettia nagina scola da musica en Engiadin’Ota, di la manadra Mengia Demarmels.

La regiun Malögia e dumandada

Tenor infurmaziuns dal president da la conferenza da presidents da la regiun Malögia Martin Aebli, ston ins ussa sco emprim analisar il problem da quest deficit e lura trair las mesiras necessarias.

RR actualitad 17:00